¿Zer da kartel bat?

Hainbat enpresa lehiakideren arteko akordioa da, besteak beste, beren produktuen prezioak adosteko, bezeroak partekatzeko edo lizitazio publikoetan sartzeko. Horrek kalte egiten die bai kontsumitzaileei, bai merkatuari.

Kartel bat hainbat bideren bidez era daiteke, besteak beste: 

• prezioak finkatzea;
• ekoizpen murrizketak;
• merkatua partekatzea, eskaintzak manipulatzea barne;
• informazio estrategikoa trukatzea lehia askearen berezko ziurgabetasuna murrizteko.

Beraz, enpresek ezin dute elkarren artean akordiorik egin?

Bai, ahal dute. Enpresen arteko akordio batzuk onuragarriak izan daitezke kontsumitzaileentzat, ekoizpenean, banaketan edo merkaturatzean hobekuntzak dakartzatelako, edo aurrerapen teknikoa sustatzen dutelako.

Ondorio positibo horiek guztiek lehiaren ikuspegitik datozen ondorio kaltegarriak konpentsatuko lituzkete. Akordio horien adibide bat teknologia berriak ikertzeko eta garatzeko akordioak dira.

Enpresek autoebaluazioa egin behar dute akordio jakin bat kartel bat izan daitekeen ala ez zehazteko.
 

Zein dira kartel bateko kide izatearen ondorioak?

Enpresarentzat.

Isuna jarri zaion ekitaldiaren aurrekoan enpresa arau-hausleak guztira izan zuen negozio-bolumenaren % 10erainokoa izan daiteke isuna. Horrez gain, administrazio publikoarekin kontratatzeko debekua ezarri ahal izango da.

Legezko ordezkari edo kudeatzaileentzat

Legezko ordezkariei edo zuzendariei ere isunak jarri ahal zaizkie, 60.000 eurorainokoak.